दि. २९/०७/२०२१- गेल्या काही महिन्यांपासून मिरा भाईंदर, वसई -विरार पोलीस आयुक्तालय अंतर्गत येणाऱ्या वसई,विरार, नालासोपारा परिसरात रस्त्याने पायी चालणाऱ्या महिलांचे मंगळसुत्र , सोन्याची चैन आरोपीनी मोटारसायकल वर येवुन जबरीने चोरी करण्याचे प्रमाण वाढल्याने सदर घटनांची मा. वरिष्ठांनी दखल घेऊन आरोपी यांचा शोध घेवुन पकडण्याच्या सूचना दिल्या होत्या.
त्या नुसार वरिष्ठांनी दिलेल्या सुचना व मार्गदर्शनाप्रमाणे अर्नाळा सागरी पोलीस ठाणे येथे गुन्हा नोंद असलेल्या गुन्हयाचा तपास गुन्हे शाखा कक्ष – , विरार यांचेकडे देण्यात आला. सदर गुन्हा उघडकीस आणणे करीत गुन्हे शाखा कक्ष – चे पोलीस पथक तयार करून आरोपी यांनी गुन्हयात वापरलेले वाहन तसेच आरोपी यांची गुन्हे करण्याची पद्धतीवरून गुप्त बातमीदार यांचे मार्फतीने आरोपी यांची माहिती मिळवुन आरोपी नाव १)रमेश उर्फ रामकिशन हिरालाल पालिवाल वय : ३० रा. भिवंडी २) लोकेश हेमराज बोरा वय :३९ भिवंडी ३) दिनेश कुमार रखबचंद जैन वय : ४९ रा. भिवंडी ४) श्रीनिवास भुमय्या गाजूला वय : ४८ भिवंडी अशांना नालासोपारा, भिवंडी, व तेलंगणा राज्यातील जि सी अशा विविध ठिकाणावरून ताब्यात घेऊन त्यांना सदर गुन्ह्यात अटक करून त्यांचे के कौशल्यपूर्वक तपास करतां अटक आरोपी यांचे कडून गुन्ह्यात वापरण्यात आलेले एक काळ्या रंगाची युनिकॉर्न मोटर सायकल हि हस्तगत करण्यात आली. तसेच २९८ ग्रॅम वजनाचे सोने असा एकुण १५,२१,७००/- रु. किंमतीचा मुद्देमाल आरोपी यांचे कडून हस्तगत करण्यात आला असून त्यांनी यापूर्वी १३ गुन्हे केल्याचे उघडकीस आले.
सदरची कामगिरी डॉ . श्री. महेश पाटील , पोलीस उप आयुक्त (गुन्हे), श्री. रामचंद्र देशमुख, सहा. पोलीस आयुक्त (गुन्हे) यांचे मार्गदर्शनाखाली पो. नि प्रमोद बडाख , सपोनि कांबळे, पोउपनिरी, शिवाजी खाडे , पोउपनिरी. उमेश भगवंत, सफौ . अनिल वेळे , पो.हवा , अशोक पाटील, पो.ना. प्रदीप टक्के , मुकेश तटकरे , सागर बारवकर ,मनोज सकपाळ , पो. शि. अश्विन पाटील सर्व नेम गुन्हे शाखा , कक्ष -३, यांनी पार पाडली आहे.
