सांताकृझ : स्वाती दत्ताराम लाड वय ४६ वर्षे रा. डवरी गेट नं ०१ वाकोला, पश्चिम द्रुतगती महामार्ग सांताकृझ पुर्व यांनी दिनांक १०/०८/२०२१ रोजी दुपारी१:०० ते २:०० वाजताच्या सुमारास त्यांच्या घरी दिवसा घरफोडी झाले बाबत माहीती दिल्यावरून वाकोला पोलीस ठाणे येथे गुन्हा दाखल करण्यात आला. सदर गुन्हा घडण्याच्या अगोदर गोळीबार व हनुमान टेकडी, सांताकृझ पुर्व या परिसरातुन दिवसा घरफोडयांचे गुन्हे घडले होते.
सदर गुन्हयांची दखल पोलीस उप-आयुक्त श्री मंजुनाथ सिंगे परि-०८ यांनी घेवुन तसेच गुन्हयांचे गांभीर्य ओळखून सदरचे गुन्हे उघडकीस आणण्यासाठी गुन्हेप्रकटीकरण पथकास मार्गदर्शन करून वेगवेगळी पथके तयार केली होती. सदर गुन्हे घडलेल्या परीसरातील सीसीटिव्ही यांचे अवलोकन केले. सदर गुन्हयांचा तपास सुरू असताना गन्हे प्रकटीकरण पथकाचे पो उप निरिक्षक नितीन सवने व गुन्हे प्रकटीकरण पथकाचे पोलीस नाईक तानाजी पाटील यांना गुप्त बातमीदारा मार्फत वर नमुद गुन्हयातील आरोपी बाबत माहीती प्राप्त झाली त्या अनुषंगाने दिनकर पटेल गार्डन, सांताकृझ पुर्व येथुन राकेश सुग्रीव खरटमोल वय ४० वर्ष, त्यास ताब्यात घेतले तसेच इतर ठिकाणा वरून रोहीत रमेश राठोड वय २६ वर्षे, तसेच रमजान अली उर्फ करामत अली उर्फ पप्पु दोस्त अली शेख वय ४२ वर्षे, यांना ताब्यात घेवुन त्यांच्याकडे वाकोला पोलीस ठाण्याच्या हददीत दिवसा घडलेल्या घरफोडया बाबत तपास केला असता गु त्यांनीच हा गुन्हा केल्याचे कबूल केले. सदर गुन्हयातील सोन्या चांदीची एकुण ८,३५,६६०/- रू. किमंतीची मालमत्ता हस्तगत करण्यात आली आहे तसेच सदरचे आरोपी सराईत गुन्हेगार असुन त्यांच्यावर विविध पोलीस ठाण्यात ३०-३५ गुन्हयांची नोंद आहे. आरोपी रमजान अली शेख यास अटक करताना व आरोपी कडुन मालमत्ता हस्तगत करण्यास बांद्रा पोलीस ठाणेचे सपोनि फड व पथक यांचे सहकार्य मिळाले.
सदरची यशस्वी कामगिरी मा. पोलीस सह आयुक्त सो, कायदा व सुव्यवस्था श्री. विश्वास नांगरे पाटील, अप्पर पोलीस आयुक्त सो, श्री संदिप कर्णिक पश्चिम प्रादेशिक विभाग, बांद्रा, मंबई मा. पोलीस उप आयुक्त सो, श्री. मंजूनाथ सिंगे, परिमंडळ ८, सपोआ अविनाश धर्माधिकारी वाकोला विभाग, यांच्या मार्गदर्शनाखाली वाकोला पोलीस ठाण्याचे वपोनि श्रीमती सुनयना नटे.पोनि राजेश शिंदे, पो.उप.निरिक्षक नितीन सवने, पोलीस नाईक वैभव सौदंणकर, पोलीस नाईक तानाजी पाटील पोलीस शिपाई संजय पोटे, सागर बारवकर, प्रदीप मिस्तरी यांनी पार पाडली.
