मिरारोड : दिनांक ७/७/२०२१ रोजी अनैतिक मानवी वाहतुक प्रतिबंध कक्षाचे वपोनि, श्री. एस.एस.पाटील यांना गोपनीय माहिती मिळाली कि, वेश्या दलाल इंदिरादेवी प्रजापती हि पुरुष गिऱ्हाईकाकडून पैसे स्विकारुन पुरुष ग्राहकांना वेश्यागमनाकरिता मुली पुरवीत असून नैवेद्य हॉटेल, मिरा भाईंदर रोड , मिरारोड पूर्व या ठिकाणी वेश्यागमनाकरिता पुरुष गिऱ्हाईकाना मुली पुरविणार आहे. मिळालेल्या बातमीवरून वपोनि. श्री. पाटील यांनी पथकासह नमूद ठिकाणी बोगस गिऱ्हाईक व पंच यांना पाठवून सत्यता पडताळून छापा टाकला असता , महिला वेश्या दलाल इंदिरादेवी प्रजापती वय :४२ रा. दहिसर मुळगाव : राजस्थान हि वेश्यागमना साठी ग्राहकांकडून पैसे स्वीकारून मुली पुरवीत असताना मिळून आल्याने तिला स्वीकारलेल्या रक्कमेसह ताब्यात घेऊन ०२ मुलीची सुटका करण्यात आली. महिला वेश्या दलाल हिचे विरुद्ध मिरारोड पोलीस ठाणे येथे पो.हवा . उमेश पाटील यांनी सरकार तर्फे दिलेल्या फिर्यादी वरून मिरारोड पोलीस ठाणे येथे गुन्हा दाखल करण्यात आला आहे.
सदरची कारवाई डॉ . श्री. महेश पाटील ,पोलीस उप.आयुक्त (गुन्हे ), श्री. रामचंद्र देशमुख, सहा . पोलीस आयुक्त (गुन्हे) यांचे मार्गदर्शनाखाली अनैतिक मानवी वाहतुक प्रतिबंध कक्ष भाईंदर विभागाचे वपोनि श्री. एस. एस. पाटील ,पो.हवा. उमेश पाटील , विजय निलंगे , रामचंद्र शिवाजी पाटील, पोशि , केशव शिंदे , मपोना यंबर , मपोना , कमल चव्हाण , चालक पोना , गावडे यांनी केली आहे.
