भाईंदर : नवघर पोलीस ठाणे येथे एका स्टील कपंनीच्या मालकाची फसवणूक झाल्याची तक्रार नोंद झाली होती . याबाबत सविस्तर माहित अशी कि बाबुसिंग चेनसिंग राठोड, वय ३३ वर्षे, यांची चामुण्डा स्टिल नावाची कंपनी असुन त्यांना दि. १८.०१.२०२२ रोजी एका अनोळखी नंबरवरुन रमेश नावाच्या इसमाने फोन करुन त्यांना विश्वासात घेवुन ०२,०८,०००/- रु. किंमतीचे १३६९ किलोग्रॅम वजनाचे स्टिल तारेच्या १५ बंडलची ऑर्डर दिली होती. त्यावरून दुकानदार यांनी मिळालेल्या ऑर्डरप्रमाणे दिनांक १९.०१.२०२२ रोजी मालाची डिलेव्हरी केली होती. सदर दिवशी अनोळखी इसमाने दुकान मालक यांना ५८,०००/- रु. देऊन उर्वरीत रक्कम ०४.०० वा. चे पर्यंत आणुन देतो असे सांगितले होते. त्यानंतर रमेश नावाच्या इसमाने सदरचा मोबाईल नंबर बंद करुन दुकान मालक यांच्या कडुन घेतलेल्या मालाचे पैस न देता त्यांची फसवणुक करुन मालाचा अपहार केला याबाबत नवघर पोलीस ठाणे येथे गुन्हा नोंद करण्यात आला होता.
नमुद गुन्हयाचे गांभिर्य लक्षात घेवुन त्याअनुषंगाने गुन्हे प्रकटी करण पथकातील अधिकारी व अंमलदार यांनी तांत्रीक बांबींचे आधारे तसेच तक्रारदार यांनी मालाची डिलेव्हरी केलेले धानुबाग, नालासोपारा पुर्व या ठिकाणचे व आजुबाजुचे सी.सी.टिव्ही फुटेजची पडताळणी केली. गुन्हयातील फसवणुक व अपहार केलेला माल ज्या वाहनाने नेण्यात आला आहे त्यांच्याकडे तपास करुन सदरचा गुन्हयात सहभागी असलेला आरोपी नरपतसिंग बेहरसिंग राजपुत, वय २७ वर्षे, यास ताब्यात घेवुन त्यास अटक करण्यात आली आहे. अटक आरोपीकडे कसुन व कौशल्यपुर्ण तपास करुन गुन्हयातील फसवणुक व अपहार केलेली वरील प्रमाणे संपुर्ण मुद्देमाल हस्तगत करुन गुन्हयाची उकल पोलिसांनी केली आहे .
सदरची कामगिरी श्री. अमीत काळे,पोलीस उप आयुक्त, परिमंडळ-०१, डॉ.शशीकांत भोसले, सहा.पो.आयुक्त, नवघर विभाग, श्री. मिलिंद देसाई, वरिष्ठ पोलीस निरीक्षक, नवघर पोलीस ठाणे, पोनि/प्रकाश मासाळ (गुन्हे) यांचे मार्गदर्शनाखाली सपोनि/योगेश काळे, पोउनि/संदिप ओहोळ, पोना/भुषण पाटील, पोशि/गणेश जावळे, पोशि/संदिप जाधव, पोशि/सुरज घुनावत, पोशि/विनोद जाधव यांनी केलेली आहे.
