लातूर जिल्हा पोलीस अधीक्षक श्री निखिल पिंगळे यांनी जिल्ह्यात अवैध शस्त्र बाळगणाऱ्या इसमावर कारवाई करण्याबाबत आदेशित केले होते याच अनुषंगाने पोलीस अधीक्षक निखिल पिंगळे , अप्पर पोलीस अधीक्षक अनुराग जैन सहाय्यक पोलीस अधीक्षक अभयसिंह देशमुख यांच्या मार्गदर्शनाखाली स्थानिक गुन्हे शाखेचे पोलीस निरीक्षक गजानन भातलवंडे यांच्या नेतृत्वात स्थानिक गुन्हे शाखेचे टीमने लातूर येथील एका इसमास ताब्यात घेऊन तीन गावठी कट्टे ( पिस्टल) सह अकरा जिवंत काडतुसे, दोन एक्स्ट्रा मॅगझीन असा एकूण १ लाख ८१ हजार रुपयांचा मुद्देमाल हस्तगत केला आहे.
याबाबत सविस्तर माहिती अशी की, स्थानिक गुन्हे शाखा पोलिसांना गुप्त बातमीदार मार्फत मिळालेल्या गोपनीय माहितीच्या आधारावर स्थानिक गुन्हे शाखेच्या पथकाने लातूर शहरातील समीर सत्तार शेख (पांढरे )रा.इंडिया नगर लातूर यास ताब्यात घेऊन त्याच्याकडून एक गावठी पिस्टल आणि नऊ जिवंत राऊंड जप्त केली. त्याच्याकडे पिस्टल आणि राउंड विषयी सखोल चौकशी केली असता. त्याने दिलेल्या माहितीच्या आधारावर स्थानिक गुन्हे शाखा पोलिसांनी अधिक तपास करून आणखीन एका व्यक्तीच्या घरातून दोन गावठी कट्टे पिस्टल, दोन मॅगझीन आणि दोन जिवंत काडतुसे असा एकूण १ लाख ८१ हजार रुपयाचा अवैध शस्त्र साठा जप्त केलेला आहे याप्रकरणी पोलीस ठाणे एमआयडीसी येथे गुन्हा नोंद झालेला असून एमआयडीसी पोलिस पुढील तपास करीत आहेत.
सदरची कारवाई ही स्थानिक गुन्हे शाखेचे पोलीस निरीक्षक गजानन भातलवंडे यांचे नेतृत्वात सहाय्यक पोलीस निरीक्षक राहुल बहुरे, पोलीस अंमलदार खुर्रम काजी ,विनोद चीलमे, बालाजी जाधव, रवी गोंदकर ,दिनेश देवकते ,प्रमोद तरडे ,अंगद कोतवाड , यशपाल कांबळे ,संपत फड, राजेश कंचे, प्रदीप चोपणे, यांनी केली आहे.
