वाशी पोलीस ठाण्यात होणाऱ्या वारंवार मोबाईल चोरीच्या घटनांमुळे सतर्क होऊन गुन्हे उघडकीस आणण्यासाठी सूचना देण्यात आल्या.त्यामुळे वाशी पोलीस ठाण्याचे बीट मार्शल यांना सदर घटनेच्या अनुषंगाने तात्काळ दखल घेण्याबाबत आदेश देण्यात आले.
दिनांक. २२/११/२०२० रोजी हर्षदा झेंडे नामक महिला व तिचा मित्र यांची मिनी शिशोर वाशी याठिकाणी एम. बीए.सीएटी ऑनलाईन परीक्षेचा अभ्यास करत असताना एका अनोळखी माणसाने हर्षदा झेंडे यांच्या हातातील रेडमी कंपनीचा मोबाईल हिसकावून पळून गेला. त्याच वेळी बीट मार्शल ४ चे अंमलदार पोलीस ना. सुनील पाटील, पोलीस ना. सतीश सु पाटील यांच्यासह पोलीस ना. परशुराम बिन्नर यांना नियंत्रण कक्षाकडून माहिती मिळाल्यावरून हर्षदा झेंडे यांना मदत करण्यासाठी तात्काळ मिनी शिशोर याठिकाणी गेले. पोलीस पथक व हर्षदा झेंडे आणि त्यांचे मित्र यांनी सदर आरोपी नामक शरीफ सिद्धिकी चा (वय२४) पाठलाग करून त्याला हिरानंदानी हॉस्पिटल वाशी नवीमुंबई या ठिकाणी ताब्यात घेतले.
सदर आरोपी शरीफ सिद्धिकी कडून हर्षदा झेंडे यांचा रेडमी मोबाईल फोन मिळून आला. हर्षदा झेंडे यांनी दिलेल्या तक्रारीवरून वाशी पोलीस ठाणेस गु.रजि.क्र. ३७६/२०२० कलम ३९२ भादवि नोंद करण्यात आली असून शरीफ सिद्धिकी याला अटक करण्यात आली. आरोपीला दिनांक. २७/११/२०२० पर्यंत पोलीस कोठडी देण्यात आली आहे.
अटक आरोपी शरीफ सिद्धिकी यांच्याशी अधिक चौकशी करून नवी मुंबई पोलीस आयुक्तालयातील इतर पोलीस ठाण्यामध्ये दाखल असलेल्या मालमत्ते विषयीचे आणखीन गुन्हे उघडकीस आणण्याचा प्रयत्न सुरू आहे.
सदरची यशस्वी कामगिरी माननीय पोलीस आयुक्त श्री.बिपिन कुमार सिंह, माननीय पोलीस सहआयुक्त डॉ.जय जाधव, माननीय पोलीस उप आयुक्त परिमंडळ-१ वाशी नवी मुंबई श्री. सुरेश मेंगडे, माननीय सहाय्यक पोलीस आयुक्त श्री.विनायक आ वस्त यांच्या मार्गदर्शनाखाली वाशी पोलीस ठाण्याचे वरिष्ठ पोलीस निरीक्षक श्री.संजीव धुमाळ पोलीस निरीक्षक श्री. प्रमोद तोरडमल (गुन्हे)गुन्हे प्रकटीकरण पथकाचे सहाय्यक पोलिस निरीक्षक सचिन ढगे तसेच बीट मार्शल वरील कर्मचारी पोलीस ना.सुनील पाटील, पोलीस ना.सतीश पाटील आणि पोलीस ना.परशुराम बिन्नर यांनी यशस्वीपणे पार पाडली
