मिरारोड – Online Air Ticket Booking करताना फसवणुक झालेली रक्कम रुपये ९६,९०८/-तक्रारदार यांना परत करण्यात सायबर पोलीस ठाणेस यश.अधिक माहितीनुसार मिरा भाईंदर, वसई विरार पोलीस आयुक्तालय कार्यक्षेत्रातील नयानगर पोलीस ठाणे कार्यक्षेत्रात राहणारे तक्रारदार श्री. साहू यांना मॉरीशस येथे जाणे असल्याने मुंबई-मॉरीशस असे विमान तिकीट बुक करण्याकरीता त्यांनी अनोळखी Online Air Ticket Booking च्या वेबसाईटवरुन तिकीट बुक केले. तक्रारदार यांनी ऑनलाईन तिकीट पाठविल्यानंतर त्यांना प्राप्त झालेल्या विमान तिकीटावर PNR क्रमांक नमुद नसल्याने तक्रारदार यांनी साईटवर दिलेल्या मोबाईल क्रमांकवर संपर्क साधण्याचा प्रयत्न केला असता, कोणताही प्रतिसाद न मिळाल्याने तक्रारदार यांना त्यांची फसवणुक झाल्याचे लक्षात आले. तक्रारदार यांनी सायबर पोलीस ठाणे येथे तक्रार दिल्याने सदरबाबत तात्काळ नोंद घेवून NCCRP Portal वर तक्रार नोंदविण्यात आली.
तक्रारदार यांचे झालेल्या व्यवहाराची माहिती घेतली असता, तक्रारदार यांची रक्कम ऑनलाईन E-Commerce द्वारे वापरण्यात आल्याचे दिसुन आले. तक्रारदार यांचे व्यवहाराची माहिती घेवुन तात्काळ संबंधितांसोबत पत्रव्यवहार करुन तक्रारदार यांचे खात्यातुन झालेला व्यवहार रद्द होवुन रक्कम तक्रारदार यांचे मुळ खात्यावर परत मिळविण्याबाबत कळविण्यात आले. तात्काळ केलेल्या पत्रव्यवहाराचे अनुषंगाने तक्रारदार यांचे खात्यातुन झालेला व्यवहार रद्द करण्यात आला.
अश्याप्रकारे सायबर पोलीस ठाणे यांनी तात्काळ केलेल्या पत्रव्यवहाराचे अनुषंगाने तक्रारदार यांची फसवणूक झालेली संपूर्ण रक्कम ९६,९०८/- रु त्यांचे मुळ खात्यात परत मिळविण्यात आलेली आहे.तक्रारदार यांची रक्कम परत मिळविण्यात आलेनंतर रक्कम परत केल्याबाबत त्यांना प्रतिकात्मक चेक देवून माहिती देण्यात आलेली आहे.
फसवणूक टाळण्यासाठी घ्यावयाची काळजी…
ऑनलाईन ट्रेन, बस, विमानाचे टिकीट बुकींग करताना, शॉपिंग करताना वेबसाईटची खात्री केल्याशिवाय कोणताही आर्थिक व्यवहार करु नये.
ऑनलाईन बुकींगकरीता, शॉपिंगकरीता, कस्टमर केअर क्रमांक गुगलवर सर्च करताना उपलब्ध होणारे मोबाईल क्रमांक व माहितीची पडताळणी केल्याशिवाय कोणतीही कारवाई करु नये.
अनोळखी वेबसाईट, मोबाईल धारकांना आपले बैंक खाते, जन्मदिनांक, OTP वा इतर वैयक्तीक माहीती उघड करू नये.
अनोळखी लिंक अगर मॅसेज प्राप्त झाल्यास पडताळणी केल्याशिवाय कारवाई करु नये.
बैंक खात्यासंदर्भात, Credit/Debit Card खात्यासंदर्भात कोणतेही बदल करावयाचे असल्यास बैंकेत समक्ष भेट देवून बदल करावेत.
कोणतेही ऍप डाऊनलोड करण्यापूर्वी त्याची पडताळणी करावी.
ऑनलाईन फसवणूक झाल्यास तात्काळ बँकेला संपर्क करावा.
मिरा-भाईंदर, वसई-विरार पोलीस आयुक्तालयातील नागरीकांना आवाहन करण्यात येते की, असा प्रकार आपल्यासोबत घडला असल्यास तात्काळ नजीकच्या पोलीस ठाणेस संपर्क साधावा तसेच www.cybercrime.gov.in अथवा १९३०/१९४५ या हेल्पलाईनवर संपर्क साधून तक्रार यावी.
सदरची कामगिरी श्री. संदिप डोईफोडे, पोलीस उप आयुक्त (गुन्हे), श्री. मदन बल्लाळ, सहायक पोलीस आयुक्त (गुन्हे), मि.भा.व.वि. पोलीस आयुक्तालय यांच्या मार्गदर्शनाखाली प्रभारी अधिकारी सायबर पोलीस ठाणे पोलीस निरीक्षक प्रकाश सावंत यांचेसह सपोनि/स्वप्नील वाव्हळ, सपोनि/माणिकराव कतुरे, पोउनिरी/वैभव धनवडे, मपोहवा /माधुरी थिंडे, मपोअं/स्नेहल पुणे, पोअं/ कुणाल सावळे, पोअं/सावन शेवाळे, पोअं/राहुल बन, मसुब/प्रविण सावंत, राजेश भरकडे, सर्व नेम सायबर पोलीस ठाणे यांनी पार पाडली आहे.
सायबर फसवणुक हेल्पलाईन क्रमांक १९३०/१९४५
सायबर फसवणुक हेल्पलाईन वेबसाईट www.cybercrime.gov.in
