मिरारोड– व्हाटसअप व्दारे APK File डाऊनलोड केल्याने फसवणुक झालेली रक्कम २,३०,०००/- रूपये तक्रारदाराला परत करण्यात सायबर पोलीस ठाण्यास यश . अधिक माहितीनुसार मिरा-भाईंदर, वसई-विरार पोलीस आयुक्तालयातील कार्यक्षेत्रातील मिरारोड पोलीस ठाणे कार्यक्षेत्रात राहणारे तक्रारदार श्री. मोहमद खान यांना अनोळखी इसमाने मित्र असल्याचे भासवुन तात्काळ पैसे पाठविण्यास सांगितले. पैसे पाठविण्याकरीता तक्रारदार यांच्या मोबाईलवर व्हाटसअप व्दारे APK File पाठवुन त्यावर क्लिक करण्यास सांगितले. तक्रारदार यांनी सदर लिंकवर क्लिक केल्यानंतर त्यांचे बैंक खात्यामधून एकुण २,३०,०००/- रूपये कपात झाल्याबाबत मॅसेज प्राप्त झाला. तक्रारदार यांना फसवणुक झाल्याचे लक्षात आले. तक्रारदार यांनी सायबर पोलीस ठाणे येथे भेट देवून तक्रारी अर्ज दिल्याने सदरबाबत तात्काळ नोंद घेवुन NCCRP Portal वर तक्रार नोंदविण्यात आली.
तक्रारदार यांची ऑनलाईन NCCRP Portal वर तक्रार नोंदविल्याने फसवणुकीची रक्कम वेगवेगळ्या बैंक खात्यांमध्ये थांबविण्यात आली. तसेच फसवणुकीच्या व्यवहाराचे अनुषंगाने अधिक तपास करुन तक्रारदार यांची रक्कम वर्ग झालेल्या ०६ बैंक खात्यांची माहिती प्राप्त करुन संशयित बैंक खात्यांना वारंवार पत्रव्यवहार करुन बैंक खात्यात रक्कम थांबविण्याबाबत कारवाई करण्यात आली.सदरची रक्कम ०३ बैंक खात्यांमधील रक्कम परत मिळविण्याकरीता मा. न्यायालयामध्ये अर्ज सादर करण्याबाबत तक्रारदार यांना सूचना देण्यात आल्या. तक्रारदार यांनी त्यांची फसवणुकीची रक्कम परत मिळविण्याकरीता मा. न्यायालयात याचिका सादर केलेली, त्याबाबत सायबर पोलीस ठाणे यांनी मा. न्यायालयामध्ये सविस्तर अहवाल सादर केला व मा. न्यायालयाचे आदेश प्राप्त केले.
अश्याप्रकारे सायबर पोलीस ठाणे यांनी बँकेसोबत सातत्याने ०३ महीने पाठपुरावा करुन तक्रारदार यांची फसवणुक झालेली संपुर्ण रक्कम २,३०,०००/- रूपये त्यांचे मुळ खात्यात परत मिळविण्यात आलेली आहे.
तक्रारदार यांची रक्कम परत मिळविण्यात आलेनंतर रक्कम परत केल्याबाबत त्यांना प्रतिकात्मक चेक देवून माहिती देण्यात आलेली आहे.
फसवणूक टाळण्यासाठी घ्यावयाची काळजी…
कोणत्याही अनोळखी मोबाईल धारकाबाबत खात्री झाल्याशिवाय कोणतीही आर्थिक व इतर कारवाई करु नये.
अनोळखी फाईल, गॅमॅसेज, लिंक प्राप्त झाल्यास पडताळणी केल्याशिवाय मोबाईलमध्ये डाऊनलोड करु नये.
कोणत्याही अनोळखी इसमास आपली वैयक्तिक माहिती अगर व्यवहार संदर्भात माहिती उघड करु नये.
कोणतेही ऍप डाऊनलोड करण्यापूर्वी त्याची पडताळणी करावी.
अनोळखी मोबाईल धारकांना आपली वैयक्तिक माहिती / आर्थिक व्यवहारासंबंधीत माहिती उघड करु नये. आपले बैंक खाते, जन्मदिनांक, OTP वा इतर वैयक्तीक माहीती उघड करू नये.
ऑनलाईन फसवणूक झाल्यास तात्काळ बँकेला संपर्क करावा.
मिरा-भाईंदर, वसई-विरार पोलीस आयुक्तालयातील नागरीकांना आवाहन करण्यात येते की, व्हाटसअप व्दारे प्राप्त होणारी.APK File फाईल/लिंक/संदेश यावर क्लिक करू नये, तसेच कोणालाही पुढे पाठवू नये, अयस प्रकार आपल्यासोबत घडला असल्यास तात्काळ नजीकच्या पोलीस ठाणेस संपर्क www.cybercrime.gov.in अथवा 1930/1945 या हेल्पलाईनवर संपर्क साधून तक्रार यावी. साधावा. तसेच सदरची कामगिरी श्री. संदिप डोईफोडे, पोलीस उप आयुक्त (गुन्हे), श्री. मदन बल्लाळ, सहा. पोलीस आयुक्त (गुन्हे), मि.भा.व.वि.पोलीस आयुक्तालय यांच्या मार्गदर्शनाखाली प्रभारी अधिकारी सायबर पोलीस ठाणे पोलीस निरीक्षक प्रकाश सावंत यांचेसह सपोनि/स्वप्नील वाव्हळ, सपोनि /माणिकराव कतुरे, पोउनि/वैभव धनवडे, मपोहया/माधुरी थिडे, मपोहवा/अभिना पठाण, मपोअं/ सुवर्णा माळी, पोअं/कुणाल सावळे, मपोअं/स्नेहल पुणे, पोअं/विलास खाटीक, पोअं/सावन शेवाळे, मसुब/राजेश भरकडे, मसुब/प्रविण सावंत सर्व नेम सायबर पोलीस ठाणे यांनी पार पाडली आहे.
सायबर फसवणुक हेल्पलाईन क्रमांक १९३०/१९४५
सायबर फसवणुक हेल्पलाईन वेबसाईट www.cybercrime.gov.in
