पेल्हार : घरफोडी व मोटारसायकल चोरी करणाऱ्या आरोपीतांना अटक करुन ५ गुन्हांची उकल पेल्हार पोलीस ठाणे – गुन्हे प्रकटीकरण शाखेची कामगीरी .अधिकमाहितीनुसार दि. १६/०८/२०२३ ते दिनांक १७/०८/२०२३रोजी च्या दरम्यान पेल्हार पोलीस ठाणे हद्दीत समीर अब्दुल हमीद मलिक, वय ४३ वर्षे, व्यवसाय – कपडे विकणे, रा. रुम नं. ०१, साई निवास, बिल्डींग साई निवास मेडीकल, धानिव बाग रोड, नवजीवन वसई (पु.), ता. वसई, जि. पालघर यांच्या घराची स्लायडिंग खिडकी कोणीतरी अज्ञात चोरटयाने उचकटून, त्या खिडकीतुन रुमच्या दरवाजाची कडी काढुन दरवाजा उघडून, त्यावाटे आत प्रवेश करुन, रुममधील ठेवलेले १५,०००/- रु.किं.चे मोबाईल फोन घरफोडी करुन चोरुन नेले बाबत त्यांनी दिलेल्या तक्रारी वरून अज्ञात आरोपीन विरुध्द पेल्हार पोलीस ठाण्यात गुन्हा नोंद करण्यात आला होता.
सदर गुन्ह्यांचा गुन्हे प्रकटीकरण शाखेचे अधिकारी व अंमलदार यांना तांत्रीक विश्लेषणाद्वारे व गुप्त बातमीदार यांच्या मार्फत मिळालेल्या माहीतीच्या आधारे आरोपी १) अलाउद्दीन अरशद खान, वय- १९ वर्षे, रा. नवजीवन, वसई पूर्व, जि. पालघर, २) किसन रोहीत शुक्ला वय – २१ वर्षे, रा. नालासोपारा पूर्व, ता.वसई, जि.पालघर ३) विलास अशोक राजभर वय – १९ वर्षे रा. पेल्हार नालासोपारा पुर्व ता.वसई जि.पालघर, ४) साहिल इस्माईल सय्यद, वय – २४ वर्ष, रा. नालासोपारा पूर्व ता. वसई जि. पालघर, ५) राहुल सिताराम पटेल, वय २८ वर्षे, रा. नालासोपारा पुर्व ता. वसई जि. पालघर याना सदर गुन्हयांत ताब्यात घेवुन तपास केला असता त्यांनी सदर गुन्हा केल्याचे पोलीस तपासात निष्पन्न झाल्याने वरील आरोपी यांना अटक करण्यात आली आहे. अटक आरोपी यांची पोलिसांनी अधिकचौकशी केला असता त्यांच्याकडून चोरीस गेलेले ०७ मोबाईल व एक बजाज कंपनीची पल्सर मोटारसायकल असा एकुण १,४३,०००/- रुपये किंमतीचा मुद्देमाल हस्तगत करुन पेल्हार पोलीस ठाणे अभिलेखावरील ४ व विनोबा भावे नगर पोलीस ठाणे बृहनमुंबई पोलील आयुक्तालयातील १ गुन्हा असे एकुण ५ गुन्हे उघडकीस आले आहेत.
सदरची कामगिरी श्री. सुहास बावचे, पोलीस उप आयुक्त सो, परिमंडळ – ३, विरार, श्री. रामचंद्र देशमुख, सहायक पोलीस आयुक्त सो, विरार विभाग, यांच्या मार्गदर्शनाखाली श्री. वसंत लब्दे, वरिष्ठ पोलीस निरीक्षक सो, पेल्हार पोलीस ठाणे, श्री. विजय पाटील, पोलीस निरीक्षक (गुन्हे), श्री. शिवानंद देवकर, पोलीस निरीक्षक (प्रशासन) पेल्हार पोलीस ठाणे, पेल्हार पोलीस ठाणे गुन्हे प्रकटीकरण शाखेचे स.पो.नि. सोपान पाटील, पो.हवा. योगेश देशमुख, तानाजी चव्हाण, पो.अं. रवि वानखेडे, संजय मासाळ, निखील मंडलिक, किरण आव्हाड, राहुल कर्पे, दिलदार शेख, अनिल साबळे, सुजय पाटील, यांनी यशस्वीरित्या पार पाडली आहे.
