पनवेल : नवी मुंबई पोलीस आयुक्तालयातील गुन्हे शाखा कक्ष ०२ पनवेल यांच्या कडून पनवेल रेल्वे स्टेशन, नवी मुंबई येथे अग्नीशस्त्रांची विक्री करण्यास आलेल्या गुन्हेगारास अटक करण्यात आलेली आहे. सदर अटक आरोपी कडुन ३,४७,१००/- रूपये किंमतीचे एकुण ०४ अग्नीशस्त्र व चार जिवंत काडतूस हस्तगत करण्यात आले आहेत.
नवी मुंबई पोलीस आयुक्तालया मध्ये अग्नीशस्त्रांची विक्री करण्यासाठी येणाऱ्या गुन्हेगारांवर कारवाई करण्याचे मा. पोलीस आयुक्त श्री. बिपीन कुमार सिंह सो, नवी मुंबई, मा. सह पोलीस आयुक्त श्री. डॉ. जय जाधव सो, मा. अपर पोलीस आयुक्त, गुन्हे, श्री. महेश घुर्ये सो, मा.पोलीस उप आयुक्त, गुन्हे शाखा, श्री सुरेश मेंगडे सो, मा. सहा. पोलीस आयुक्त गुन्हे शाखा, श्री विनायक वस्त सो, यांनी वेळोवेळी आढावा घेवून विशेष मोहिम राबवुन बेकायदेशिररित्या अग्नीशस्त्रांची विक्री करण्यासाठी येणाऱ्या गुन्हेगारांवर वेळीच प्रतिबंध करण्याबाबत आदेश पोलिसांना दिले होते . त्याअनुषंगाने एक व्यक्ती पनवेल रेल्वे स्टेशन परीसरात बेकायदेशिररित्या अग्नीशस्त्रांची विक्री करण्यासाठी येणार असल्याबाबतची माहिती गुन्हे शाखा, कक्ष ०२ यांना प्राप्त झाली होती. सदर माहितीची पडताळणी करून कारवाई करण्यासाठी गुन्हेशाखा कक्ष २, पनवेल चे वरिष्ठ पोलीस निरीक्षक गिरीधर गोरे यांच्या मार्गदर्शनाखाली पोलीस अधिकारी व कर्मचारी यांचे दोन पथक तयार करून पनवेल रेल्वे स्टेशन परीसरात सापळा रचुन गोपाल राजपाल भारव्दाज, वय २२ वर्षे, यांस पळून जाण्याच्या तयारीत असताना पोलिसांनी शिताफीने ताब्यात घेतले. त्यानंतर अटक आरोपीकडे असलेल्या बॅग(सॅक)ची तपासणी केली असता त्यामध्ये देशी बनावटीचे ०४ अग्निशस्त्रे व ०४ जिवंत काडतुसे मिळून आली. सदर आरोपीविरुध्द पनवेल शहर पोलीस ठाणे येथे गुन्हा नोंद करण्यात आला असून सदर गुन्हयाचा पुढिल तपास गुन्हे शाखा कक्ष २, पनवेल हे करीत आहेत.
सदरची कामगिरी सपोनि संदिप गायकवाड, सपोनि. फडतरे, पोउपनि. पाटील, पोउनि वैभव रोंगे, पोहवा अनिल पाटील, पोहवा ज्ञानेश्वर वाघ, पोहवा/प्रशांत काटकर, पोहवा/ मधुकर गडगे, पोहवा/सचिन पवार, पोहवा/ रणजित पाटील, पोहवा/४४ तुकाराम सुर्यवंशी, पोहवा/ राजेश बैकर, पोना/निलेश पाटील, पोना/ दिपक डोंगरे, पोना सचिन म्हात्रे, पोना रूपेश पाटील, पोना/ इंद्रजित कानु, पोना/राहुल पवार, पोना/प्रफुल्ल मोरे, पोशि/ संजय पाटील, पोशि/ प्रविण भोपी, पोशि विकांत माळी यांनी उल्लेखनीय कामगिरी केलेली आहे.
