काशिमीरा : मसाज व एक्स्ट्रा सर्व्हिसच्या नावाखाली अश्लिल कृत्य करणा-या स्पा वरती अनैतिक मानवी वाहतुक प्रतिबंध कक्ष-भाईंदर पथकाने अटक केली आहे . “रेन द स्पा”मिरारोड पूर्व.याठिकाणी हि कारवाई करण्यात आली आहे.
मिळालेल्या माहितीनुसार दि.१२.०५.२०२२ रोजी अनैतिक मानवी वाहतुक प्रतिबंध कक्ष यांना त्यांचे बातमीदाराकडुन माहीती मिळाली की, “रेन द स्पा” गाळा नं.९,१०,११ नवओंकार सोसायटी, एमआयडीसी. रोड, रॉयल पार्क, श्रीकृष्ण गार्डनच्या समोर, मिरारोड पूर्व.काशिमीरा या स्पामध्ये मसाजच्या नावाखाली ठेवलेल्या मुली सदर ठिकाणी येणा-या गि-हाईकाशी अश्लील चाळे करुन एक्स्ट्रा सर्व्हिस देत असतात व नमुद मुली करीत असलेल्या कृत्यास सदर स्पा चे चालक प्रोत्साहीत करीत आहेत.या माहितीची खातरजमा करण्यासाठी वपोनि. श्री.एस.एस.पाटील, यांनी बोगस गि-हाईक व पंच यांना “रेन द स्पा” गाळा नं.९,१०,११ नवओंकार सोसायटी, मिरारोड पूर्व.काशिमीरा या ठिकाणी पाठवुन सत्यता पडताळुन पोलीस पथकासह. छापा टाकला आसता स्पा मध्ये एक महिला बोगस गि-हाईकाशी अश्लील चाळे करीत असताना मिळुन आली. तसेच स्पाचा चालक चिराग शहा, वय-४० वर्ष हा हि यात सामील असून मसाज व एक्स्ट्रा सर्व्हिस (अतिरिक्त सेवा) च्या नावाखाली हा स्पा चालवत होता. पोलिसांनी टाकलेल्या छाप्यात महिला व चालक बोगस गि-हाईकाकडुन २,५००/- रु स्वीकारुन सदरच्या कृत्यास प्रोत्साहीत केल्याचे दिसून आल्याने पोलिसांनी दोघानाही ताब्यात घेऊन त्यांनी घेतलेल्या रकमेसह मोबाईल हॅण्डसेट व कॅश काऊन्टर मधुन जप्त केलेली रोखड असे एकुण ६,०३०/-रुपये मुद्देमालासह जप्त करण्यात आले आहे. सदर बाबत मपोहवा/वैष्णवी यंबर, नेमणुकअनैतिक मानवी वाहतुक प्रतिबंध कक्ष-भाईंदर यांनी दिलेल्या फिर्यादीवरुन काशिमिरा पोलीस ठाणे येथे गुन्हा रजि. दाखल करण्यात आला आहे.
सदरची कारवाई डॉ. श्री. महेश पाटील, पोलीस उप आयुक्त (गुन्हे), सहा. पोलीस आयुक्त, श्री. अमोल मांडवे, (गुन्हे) मि.भा.व.वि.पोलीस आयुक्तालय यांचे मार्गदर्शनाखाली व.पो.नि.श्री.संपतराव पाटील, सपोउनि.उमेश पाटील, विजय निलंगे, रामचंद्र पाटील, पोशि/केशव शिंदे, मपोहवा/वैष्णवी यंबर व मपोहवा/सुप्रिया तिवले नेम.अनैतिक मानवी वाहतुक प्रतिबंध कक्ष, भाईंदर यांनी केली आहे.
