दि. २२/०९/२०२० रोजी सकाळी ०८.०० वाजताचे सुमारास वळणवाडी, माकुणसार या ठिकाणी फिर्यादी श्रीमती अरुणा अरुण पाटील यांचे राहते कारवी कुडाचे घराच्या मागील दरवाज्यास लागुन असलेली कारवी कुडी फाकवुन दरवाजाची आतील कडी उघडुन घरात प्रवेश करुन घरातील दिवानमध्ये ठेवलेले १५,०००/- रुपये रोख रक्कम कोणीतरी अज्ञात चोरटयाने घरफोडी चोरी करुन चोरुन नेले होते. त्याबाबत सफाळा पोलीस ठाणे गुन्हा रजि.क्र.७०/२०२० भा.दं.वि.सं. कलम ४५४, ३८० अन्वये गुन्हा दाखल करण्यात आला होता.
सदर गुन्हा कौशल्यपुर्ण तांत्रिक तपासाअंती व मिळालेल्या गुप्त माहितीच्या आधारे अवघ्या काही तासांतच उघडकीस आणण्यास सफाळा पोलीस ठाण्यातील पोलीस अधिकारी व कर्मचारी यांना यश प्राप्त झालेले आहे. सदर गुन्हयांत आरोपी किशोर उर्फ चिंग्या सदु पाटकर वय ३९ वर्षे, रा.रोठे पो.केळवा रोड ता.जि.पालघर यास अटक करण्यात आलेली असुन त्याच्याकडुन गुन्हयात चोरीस गेलेला संपुर्ण माल हस्तगत करण्यात आला आहे.
सदरची कारवाई ही प्रभारी अधिकारी सपोनि/सुनिल जाधव यांचे मार्गदर्शनाखाली पो.हवा/९२ महेंद्र शर्मा, पो.ना./१३२८ सचिन मोरे , पो.ना./२२ वैभव सातपुते, पो.कॉ/१६७३ अमर गायकवाड, यांनी केलेली आहे.
