डोंबिवली : दिनांक १६/०५/२०२१ रोजी सकाळी ५. ३० वाजता सुमारास सौ. अनिता अनिल राऊळ वय : ५५ रा. नवापाडा डोंबिवली या व त्यांचे पती हे पायी भागशाळा मैदान जवळ , डोंबिवली पश्चिम जात असताना आरोपी याने सफेद रंगाच्या ऍक्टिवा गाडीवरून फिर्यादी अनिता राऊळ यांच्या गळ्यातील ८ ग्रॅम व ८. ५ ग्रॅम वजनाचे दोन सोन्याचे मंगळसूत्रे जबरदस्तीने खेचून चोरी करून पळून गेला. अशी रीतसर तक्रार फिर्यादी यांनी विष्णूनगर पोलीस ठाणे येथे नोंदविली असून आरोपी वर गुन्हा दाखल करण्यात आला आहे.
सदर गुन्ह्याचा तपास हा विष्णूनगर पोलीस ठाण्याचे वरिष्ठ पोलीस निरीक्षक श्री. संजय साबळे यांच्या मार्गदर्शनाखाली गुन्हे प्रकटीकरण अधिकारी सपोनि गणेश वडणे व पथक यांनी आरोपी नाव : फजल आयुब कुरेशी वय 25 वर्षे, राठी सूचक नाका, टाटा पावर जवळ, कल्याण पूर्व यास सी .सी टीव्ही फुटेज व तांत्रिक विश्लेषणाच्या मदतीने निश्चित करून आरोपीस गुन्हे शाखा नवी मुंबई यांच्या कडून ताबा घेऊन त्याच्याकडून गुन्ह्यामध्ये खेचलेले २ मंगळसूत्र हस्तगत केले व आरोपी वर गुन्हा दाखल करण्यात आला आहे. याच्यावर यापूर्वी 11 गुन्हे दाखल आहेत
सदरची कारवाई हि मा. वरिष्ठ पोलीस निरीक्षक श्री. संजय साबळे व एसीपी श्री. मोरे , डोंबिवली विभाग यांचे मार्गदर्शनाखाली सपोनि श्री. गणेश वडणे , पो हवा . पाटणकर, पो. ना कुरणे , पो.ना . सांगळे , पो. ना. लोखंडे , पो. कॉ . कुंदन भामरे , पो. कॉ .बडगुजर यांनी सदरची कारवाई यशस्वीपणे पार पाडली .
