विरार : तुळींज पोलीस ठाणे, गुन्हे प्रकटीकरण पथकाने रिक्षा व मोटर सायकल चोरी करणा-या आरोपीस अटक करून ०५ गुन्हयांची उकल केली आहे.मिळालेल्या माहितीनुसार विरार वाहतुक शाखेचे पो.उप.नि. के. सुर्यवंशी यांनी तुळींज पोलीस ठाण्यात कार्यरत असलेले पो. हवा. मोरे यांच्याशी संपर्क साधुन माहिती दिली कि,एक इसम बनावट नंबर प्लेटचा वापर करून रिक्षा चालवताना मिळुन आला आहे.
त्या अनुषंगाने तुळींज पोलीस ठाणे गुन्हे प्रकटीकरण पथकातील अधिकारी व अंमलदार यांनी सदरबाबत तपास केला असता सदर रिक्षाच्या चोरीबाबत तुळींज पोलीस ठाणे येथे अगोदरच गुन्हा दाखल असून सदरची रिक्षा शिशकुमार गुप्ता याच्या ताब्यात असल्याचे निदर्शनास आल्याने तात्काळ गुन्हे प्रकटीकरण पथकातील अधिकारी व अंमलदार यांनी त्याच्याकडे कौशल्यापुर्ण तपास केला असता त्याने सदरची रिक्षा ही त्याचा मित्र प्रकाश त्रिवेदी याचेकडुन घेतल्याचे सांगुन आणखी दोन चोरीच्या रिक्षा त्याने व त्याचा मित्र राकेश याने विरार येथील इसमांना विक्री केल्याची माहिती पोलिसांना दिली त्यानुसार शिशकुमार गुप्ता यास पोलीस पथकाने ताब्यात घेवुन तपास केला असता त्याचे साथीदार प्रकाश त्रिवेदी ऊर्फ मारवाडी याचा तांत्रिक विश्लेषाद्वारे शोध घेवुन त्यास मुंबई, अंधेरी येथून ताब्यात घेवुन विचारपुस केली असता त्याने व त्याचा साथीदार आरोपी १) शिवकुमार हरिहर गुप्ता, रा. जीवदानी पाडा, विरार पूर्व २) प्रकाश पोतराज त्रिवेदी, रा. रूम नं. ०३ क्रिष्ण चाळ कुंभारपाडा विरार प. ता. वसई जि. पालघर यांना पोलिसांनी नमुद गुन्हयात अटक केली असून असुन त्यांच्याकडून तुळींज पोलीस ठाणे अभिलेखावरील ०२ तसेच विरार पोलीस ठाणे अभिलेखावरील ०३ गुन्हे असे एकुण ०५ गुन्हे उघड करुण एकुण ०४ रिक्षा व ०१ मोटार सायकल असा एकुण ०५,९०,०००/- रुपये किंमतीचा मुद्देमाल हस्तगत करण्यात तुळींज पोलीस पथकास यश आले आहे.
सदरची कामगिरी श्रीमती पौर्णिमा चौगुले – श्रींगी, पोलीस उप आयुक्त परिमंडळ २, वसई, श्री. चंद्रकांत जाधव, सहायक पोलीस आयुक्त, तुळींत विभाग यांचे मार्गदर्शनाखाली तुळींज पोलीस ठाण्याचे वरिष्ठ पोलीस निरीक्षक श्री. शैलेंद्र नगरकर, गुन्हे प्रकटीकरण शाखेचे स.पो.नि. मिथुन म्हात्रे, स.फौ. शिवानंद सुतनासे, पो. हवा. आनंद मोरे, म्हाळु आव्हाड, दशरथ वाव्हुळे,उमेश वरठा, आशपाक जमादार, पांडुरंग केंद्रे, पो. अंम. छपरीबन, राऊत तसेच विरार वाहतुक शाखेचे पो.उप.नि. मधुकर सुर्यवंशी, पो. हवा. संतोष चकोर, पो. अंम. योगेश भारुडे यांनी केली आहे.
