दिनांक :- १८/०८/२०२१ मध्यवर्ती गुन्हे शाखा यांची कामगिरी.कार मधील टेप चोरी करणा-या गुन्हेगारांना केली अटक . कारची काच फोडुन कार टेप चोरी करणा-या गुन्हेगारांनी मिरा-भाईंदर, वसई-विरार पोलीस आयुक्तालय अंतर्गत धुमाकुळ घातला होता. सदर गुन्हयाच्या प्रमाणात दिवसें दिवस वाढ होत चालल्याने त्यांना प्रतिबंध करणाच्या अनुषंगाने व दाखल गुन्ह्यांची उकल करण्याबाबत वरिष्ठांनी सुचना दिल्या होत्या. त्याप्रमाणे मध्यवर्ती गुन्हे शाखेचे अधिकारी व अंमलदार यांनी अथक परिश्रम करुन गुन्हे घडलेल्या घटनास्थळी भेट देवुन, तांत्रिक बाबींचा वापर करुन आरोपी निष्पन्न केले. तसेच अशा प्रकारचे गुन्हे करणा-या आरोपींची गुप्त बातमीदारा मार्फत माहिती प्राप्त केली.
सदर प्राप्त माहितीच्या अनुषंगाने आरोपी नाव १) विनोद अशोक पवार २) अभिषेक अशोक पवार यांना वळसंग, जिल्हा- सोलापुर व पाटस, जिल्हा पुणे येथील पारधी वस्तीमधुन शिताफिने ताब्यात घेवुन त्याचेकडे गुन्ह्याबाबत तपास केला असता त्यांचा नवघर पो.स्टे. गुन्हा.रजि.नं. ४६२/२१ भादवि कलम ३७९,४२७,३४ या गुन्हयात सहभाग असल्याचे निष्पन्न झाल्यावरुन त्यांना दिनांक १२/०८/२१ रोजी अटक करुन दोन्ही आरोपींकडुन सोनी, पायोनिर, ऑनकॉड असे वेगवेगळया कंपनीचे असे एकुण १७ कारटेप व गुन्हे करतेवेळी वापरलेली १ मोटार सायकल असा एकुण ३,१३,०००/- रु. किंमतीचा मुददेमाल जप्त करुन अटक आरोपीकडुन एकुण १४ कार टेप चोरीचे गुन्हे उघडकीस आणले आहेत. सदर गुन्हयाचा पुढील तपास सपोनि.दत्ताञय सरक हे करत आहेत. तसेच सदरचे आरोपीचे तपासा मध्ये ते पुणे, मुंबई, ठाणे, नवी मुंबई येथे दाखल गुन्हयात पाहिजे आरोपी असल्याचे निष्पन्न झाले आहे.
सदरची कारवाई डॉ.श्री. महेश पाटील, पोलीस उप आयुक्त (गुन्हे) व श्री. रामचंद्र देशमुख, सहा. पोलीस आयुक्त यांचे मार्गदर्शनाखाली मध्यवर्ती गुन्हे शाखेचे पो.नि. राहुल राख्न, सपोनि.दत्तात्रय सरक, नितीन बेंद्रे, अमोल अंबवणे, पो.हवा.जनार्दन मते, पोना.शिवा पाटील, गोविंद केंद्रे, राजाराम काळे, सतिष जगताप, पोकॉ.राजेश श्रीवास्तव, महेश वेल्हे, सुशिल पवार, गजानन चव्हाण यांनी केली आहे.
