भाईंदर : स्व. गोपीनाथ मुंडे क्रिडा संकुल समोर गोल्डन नेस्ट रोड नवघर भाईंदर पुर्व या ठिकाणी महिला वेश्यादलाल पुजा पुजारी व तीचा साथीदार रोशन सोनवणे हे पुरुष गि-हाईकांना वेश्यागमनाच्या मोबदल्यात मुली पुरवितात. अशी गोपनीय माहिती अनैतिक मानवी वाहतुक प्रतिबंध शाखेचे वपोनि श्री. एस. एस. पाटील यांना मिळाली . त्यानुसार वपोनी.पाटील यांनी बोगस गि-हाईक व पंच यांना पाठवुन मिळालेल्या बातमीची सत्यता पडताळून दि. २०/०८/२०२१ रोजी १.२० वा. सदर ठिकाणी छापा टाकला असता महिला वेश्या दलाल पुजा विदयाधर पुजारी वय २२ वर्ष रा. रु.नं.२०१, गोडदेव गाव, भाईंदर पूर्व व तीचा साथीदार २) रोशन अंकुश सोनवणे वय २१ वर्ष रा. रु.नं.२६, गांधीनगर झोपडपटटी, भाईंदर पश्चिम हे वेश्यागमनाच्या मोबदल्यात पुरुष गि-हाईकाकडुन पैसे स्विकारुन मुली पुरवित असताना मिळुन आल्याने त्यांना वेश्यागमनाकरीता स्विकारलेल्या रक्कमेसह ताब्यात घेवुन ३ अल्पवयीन मुली व १ प्रौढ मुलीची सुटका केली. सदर बाबत महिला वेश्यादलाल पुजा पुजारी व साथीदार रोशन सोनवणे यांचे विरुद्ध नवघर पोलीस ठाणे येथे पोहवाउमेश पाटील यांनी सरकार तर्फे दिलेल्या फिर्यादीवरुन नवघर पोलीस ठाणे गुन्हा दाखल करण्यात आला आहे.
सदरची कारवाई वरिष्ठांचे मार्गदर्शनाखाली अनैतिक मानवी वाहतुक प्रतिबंध कक्ष-भाईंदर विभागाचे व.पो.नि. श्री. संपतराव पाटील, सपोनि. तेजश्री शिंदे , पोहवा.निलंगे, मपोना. यम्बर, पो.शि. केशव शिंदे, मपोशि.सुप्रिया तिवले व चालक पो.ना. गावडे सर्व नेमणुक-अनैतिक मानवी वहातुक प्रतिबंध कक्ष, भाईंदर (प.) यांनी केली आहे.
