पनवेल : चाकूचा धाक दाखवून रेल्वे प्रवास करणाऱ्या व्यक्तीस लुटणाऱ्या गुन्हेगारांस पनवेल रेल्वे पोलिसांनी २४ तासाच्या आत अटक केली . मिळालेल्या माहितीच्या आधारे धनंजय सुरेश शेळके हे दिनांक 06/4/2022 रोजी ऐरोली ते ठाणे असा प्रवास करीत असतांना गाडी पनवेल यार्ड मध्ये क्रॉसिंगला थांबली असल्यामुळे त्यांचे घर जवळ असल्याकारणाने ते लोकल मधून उतरून पुढे ब्रिज जवळुन चालत जात असताना त्यांना सात ते आठ अनोळखी इसमनी चाकू धाक दाखवून त्यांच्या जवळील मोबाईल, सोन्याची चैन, पाकीट व ATM जबरदस्तीने काढून घेतले व आरोपी यांनी त्यांचा जवळील ओम्नी गाडीत टाकून शेळके यांना जवळच्या ATM मध्ये घेऊन गेले त्यांना चाकुचा धाक दाखवुन व घाबरवुन ATM मधून रोख रक्कम काढून पुन्हा गाडीत टाकून पनवेल रेल्वे स्टेशन च्या दिशेने आणून गाडीतून ढकलून दिले . त्यामुळे प्रवासी धनंजय सुरेश शेळके यांनी दिलेल्या तक्रारी वरून पनवेल रेल्वे पोलीस ठाण्यात गुन्हा नोंद करण्यात आला होतो .
सदर गुन्हयाचा तपास गुन्हेशाखा, लोहमार्ग मुंबई करीत असताना सीसीटीव्ही फुटेज, गोपनिय बातमीदार व तांत्रिक तपासाचे सहाय्याने गुन्हेशाखेतील पोलीस अधिकारी व अंमलदार यांनी सदर गुन्हयांचा तपास करुन नमुद गुन्हयातील आरोपी 1) आज्ञान अंकुश राठोड, वय 23 वर्ष, राह. पनवेल 2) वेदांत संदिप आंबवणे, वय 21 वर्ष, राह.पनवेल, 3) आदित्य विजय दास, वय 23 वर्ष, राह.पनवेल यांना पनवेल परिसरात ठिकाणी सापळे लावुन ताब्यात घेऊन अटक करण्यात आली आहे . वरिल नमुद आरोपींना पुढील तपासासाठी पनवेल रेल्वे पोलीस ठाणे यांच्या कडे सुपूर्द करण्यात आले आहे.
सदर कामगिरी मा.श्री.कैसर खालिद, पोलीस आयुक्त, लोहमार्ग मुंबई, मा.श्री.मनोज पाटील, पोलीस उप-आयुक्त, मध्य परिमंडळ, लोहमार्ग मुंबई, मा.श्री.सचिन कदम, सहा.पोलीस आयुक्त, गुन्हे, यांचे मार्गदर्शनाखाली श्री.अरशुद्दीन शेख, वरिष्ठ पोलीस निरीक्षक, गुन्हेशाखा, लोहमार्ग मुंबई, श्री.दिपक शिंदे, पोलीस उपनिरीक्षक, सहा.पोलीस उपनिरीक्षक बबन कदम, रामकृष्ण खुसपे, पोहवा/ रविंद्र दरेकर, पोहवा/ अशोक गोसावी, पोहवा/ किशोर करपे, पोहवा/ दिलीप शेळके, पोना/ सतिश फडके, पोना/ जयेश थोरात, पोना/ राजेश कोळसे, पोना/ अजित माने, पोशि/ सुनिल मागाडे, पोशि/ अक्षय चव्हाण, पोशि/ कृणाल वाल्डे या पथकाने केली आहे.
