नालासोपारा- नालासोपारा पूर्व तुळींज पोलीस ठाण्याच्या हद्दीत घरफोडी चोरीचे घटनांना आळा घालण्यासाठी दत्तात्रय शिंदे, पोलिस अधिक्षक पालघर यांच्या सूचनेप्रमाणे विजयकांत सागर अप्पर पोलिस अधिक्षक वसई विभाग, अमोल मांडवे, उपविभागीय अधिकारी नालासोपारा यांनी सदर घरफोडी चोरींचा आढावा घेऊन अशा प्रकारचे गुन्हे करणार्या गुन्हेगारांचा शोध घेऊन त्यांना अटक करण्याबाबत सूचना दिल्या होत्या. त्याप्रमाणे डी. एस. पाटील, वरिष्ठ पोलिस निरीक्षक तुळींज यांनी गुन्हेप्रकटीकरण शाखेचे प्रभारी पोलिस उपनिरीक्षक संदीप व्हसकोटी यांना सदरच्या चोरीच्या
घटनांना पायबंद बसविण्याकरिता त्यांची सत्वर उकल करण्याबाबत आदेश दिलेले होते. त्यानुसार संदीप व्हसकोटी यांनी व त्यांच्या पथकातील अधिकारी व कर्मचारी यांनी कोणतीही तांत्रिक पुरावा नसताना कौशल्यपूर्ण तपास करून गुप्त बातमीदारामार्फत माहिती मिळवून आरोपी सुजॉय बंगाल, यास ताब्यात घेऊन त्यास विश्वासात घेऊन विचारपूस केली असता तुळींज पोलिस ठाणे गुरनं ६८६/२०२०, भादविसं. कलम, ४५७, ३०प्रमाणे दाखल गुन्ह्यातील गेला माल १,५७, ६०० (३५ मोबाईल) पैकी ९७,१०० रुपये किंमतीचे एकूण २९ मोबाईल त्याच्या अंगझडतीत मिळून आल्याचे समजते. सदरची कारवाई वरिष्ठ पोलिस निरीक्षक डी. एस. पाटील, प्रभारी अधिकारी, यांच्या मार्गदर्शनाखाली उपनिरीक्षक संदीप व्हसकोटी, शिवानंद सुतनासे, युवराज जावळे, आनंद मोरे, शेखर, प्रशांत सावदेकर, संदीप शेरमाळे, सुखराम गडाख, योगेश नागरे यांनी केली आहे.
