विरार :घरफोडी करणा-या सराईत आरोपीस अटक करुन एकुण ९ गुन्हे उ व ४,८८,०४२/- रुपयांचा मुद्देमाल, तसेच १३ मोबाईल विरार पोलीस ठाणे यांनी हस्तगत केले .
मिळालेल्या माहितीनुसार विरार पोलीस ठाणे या हद्दीत गेल्या मागील महिन्यांपासून दिवसा व रात्री चोरी आणि घरफोडीच्या गुन्हयांचे प्रमाण वाढले होते. याबाबत च्या तक्रारी वरून विरार पोलीस ठाणे येथे चोरी, घरफोडीचे गुन्हे दाखल करण्यात आले होते. नमुद गुन्हयांचे वाढते प्रमाण लक्षात घेऊन वरिष्ठ पोलीस अधिकारी यांनी गुन्हे प्रकटीकरण शाखेच्या अधिकारी आणि अंमलदार यांना सूचना दिल्याप्रमाणे पोलीस पथकाने प्रत्येक गुन्ह्याच्या घटनास्थळी भेट देऊन घटनास्थळावरुन तांत्रीक पुरावे व माहिती हस्तगत करुन आरोपीच्या वास्तव्याची माहिती काढुन नालासोपारा पूर्व मधून आरोपी प्रथमेश शिवराम पवार, वय २४ वर्षे, रा. रुम नं-४, जेसीका चाळ, ओमनगर, मोरेगांव, नालासोपारा पूर्व ता – वसई जि-पालघर यास दिनांक २१/११/२०२२ रोजी ताब्यात घेवून त्याची गुन्ह्याच्या अनुषंगाने चौकशी करून पोलिसांना त्यांच्या तपासामध्ये आरोपी याचा गुन्ह्यातील सहभाग असल्याचे निष्पन्न झाल्याने त्यास अटक करण्यात आली आहे. आरोपीकडून अटकेदरम्यान १) १,३२,९६२/- रु. किं. चे ३७.५० ग्रॅम वजनाची, २) १,५४,०००/- रु. किं.ची ३९.९६० ग्रॅम वजनाची व ३) ७९,५८०/- रु. किं. चे १९ ग्रॅम वजनाची सोन्याची लगड व १३ मोबाईल हॅन्डसेट असा एकुण ०४,८८,०४२/- रुपये किंमतीचा मुद्देमाल हस्तगत करण्यात विरार पोलिसांना यश आले आहे.
सदरची कामगिरी श्री. सुहास बावचे, पोलीस उप आयुक्त, परिमंडळ – २, श्री. रामचंद्र देशमुख, सहाय्यक पोलीस आयुक्त, विरार विभाग यांचे मार्गदर्शनाखाली विरार पोलीस स्टेशनचे श्री. सुरेश वराडे, वरिष्ठ पोलीस निरीक्षक, श्री. दिलीप राख, पोलीस निरीक्षक (गुन्हे), गुन्हे प्रकटीकरण शाखेतील पोउनि /संदेश राणे, पो.हवा./सचिन लोखंडे, संदीप जाधव, संदिप शेरमाळे, इंद्रनिल पाटील, विशाल लोहार, पोकॉ/ रवी वानखेडे, सुनिल पाटील, युवराज वाघमोडे, सचिन ओलेकर, सागर घुगरकर, दत्तात्रय जाधव यांनी केली असून सदर गुन्हयाचा पुढील तपास पो.हवा./सचिन लोखंडे हे करित आहे.
