कळवा : दिनांक ०१/१२/२०२१ रोजी सकाळी ठाणे येथील नियंत्रण कक्षांमार्फत कळवा कीक ब्रिजच्या खाली खाडीमध्ये एका इसमाचे प्रेत असल्याची माहिती प्राप्त झाली त्यानुसार सदर ठिकाणी जावून पोलिसांनी खात्री केली असता ३० ते ४५ वयाच्या एका पुरुषाचे हात बांधलेले व अंगावर ठिकाठिकाणी मारहाणीच्या जखमा दिसुन आल्याने सदर अनोळखी इसमाचा कोणत्यातरी अज्ञात कारणावरुन अज्ञात हत्याराने त्याचा खुन करुन त्याचे प्रेत पुरावा नष्ट करण्याच्या उददेशान खाडीचे वाहत्या पाण्यात टाकल्याचे निष्पन्न झाले.
त्या अनुषंगाने वरिष्ठ पोलीस निरीक्षक मनोहर आव्हाड यांनी सदर बाबत मा.वरिष्ठांना माहिती कळवुन सदर प्रकरणी कळवा पोलीस स्टेशन गुन्हा दाखल करुन सदर मयत व्यक्तीच्या अंगातील नेसुस शर्टाचे कॉलरचे आतील असलेल्या टेलर मार्क व मोबाईल क्रमांक यावरुन पोलीस उप निरीक्षक महेश कवळे व पथकास माहिती काढण्याची सुचना दिल्या होत्या. सदर टेलर मार्क च्या मदतीने यातील अनोळखी मयत इसम याने नेसुस शर्ट गोवंडी येथील “सुंदर टेलर्स’ याचे दुकानातुन शिवुन घेतल्याबाबत पोलीस तपासात निष्पन्न झाले तसेच गोवडी परिसरात सदर अनोळखी इसमाचा शोध घेतला असता खून झालेली व्यक्ती शेख मोहंमद आसीफ, वय. ३३ वर्षे, राहणार शिवाजीनगर, गोवंडी, याचे असल्याचे निष्पन्न केले. त्यानंतर सदर इसमाच्या मोबाईल नंबर वरुन तांत्रीक माहिती प्राप्त करुन त्यावरुन मिळालेल्या माहितीच्या आधारे गोवंडी, मुंबई या ठिकाणी जावून आरोपी १) निजामुद्यीन इस्लाम मुद्यीन शेख, वय. ४४ वर्षे, यांस ताब्यात घेण्यात आले व त्याची चौकशी केली असता आरोपी याच्या बहिणीला मयत इसमाने पैशाच्या देण्याघेण्यावरुन ठार मारण्याची धमकी दिल्यामुळे आरोपी याने त्याचा साथीदार २) मिर्झ अली नवाब, वय. ३० वर्षे, ३) मोहंमद इरफान अब्दुल खान, वय. ३२ वर्षे, यांच्या मदतीने मयत इसमास पैसे देण्याचे आमीष दाखवून त्यास घरी बोलावून त्याला लाकडी बांबु तसेच कठीण हत्याराने गंभीर दुखापत करुन ठार मारले व त्याचा पुरावा मिळू नये म्हणून त्याचे प्रेत हात व पाय बांधुन गोणीत भरुन खाडीचे पाण्यात टाकून दिले . सदर गुन्ह्याची कबुली आरोपी यांनी पोलिसांना दिल्याने आरोपीस अटक करण्यात आली . सदर गुन्ह्यात काहीही धागेदोरे नसतांना कळवा पोलिसांनी अत्यंत हुशारीने या गुन्ह्यांचा तपासात आरोपी याच्या बाबत काहिएक ठोस माहिती नसताना सदरचा गुन्हा १२ तासाचे आतं उघडकीस आणण्यात आला . सदर गुन्हयाचा पुढील तपास पोलीस निरीक्षक गुन्हे, सुदेश आजगावकर हे करीत आहेत.
सदर गुन्हयातील आरोपींचा शोध घेणे बाबत मा. श्री.जय जित सिंग सो, पोलीस आयुक्त, ठाणे शहर, मा. श्री.सुरेश मेकला सो, पोलीस सह आयुक्त, ठाणे शहर, मा. श्री अनिल कुंभारे साो, अपर पोलीस आयुक्त, पश्चिम प्रादेशिक विभाग, ठाणे, मा. श्री.अविनाश अंबुरे सो, पोलीस उप आयुक्त, परि.-०१, ठाणे, मा. श्री.व्यकंट आंधळे सो, सहायक पोलीस आयुक्त, कळवा विभाग, ठाणे यांनी श्री.मनोहर आव्हाड, वरिष्ठ पोलीस निरीक्षक, कळवा पोलीस स्टेशन यांना सक्त सुचना देवुन मार्गदर्शन केलेले होते.त्याप्रमाणे श्री मनोहर आव्हाड, व.पो.निरी.कळवा पो.स्टे. यांनी पोलीस निरीक्षक, गुन्हे, सुदेश आजगावकर, पोलीस निरीक्षक, जितेंद्र कुंवर, गुन्हे प्रकटीकरण पथकाचे सहा.पो.निरी/ प्रकाश दिनकर, पो.उप.निरी.एम.बी.कवळे, पोउनि /मकानदार, सपोउपनिरी.एम.पी. महाजन, पो.हवा./ शिंदे, पोहवा/एडके, पो.ना./महाडीक, पो.ना./गुरव, राठोड, पोशि/ ढावरे, ढेबे यांनी केला आहे .
