मिरारोड : ऑनलाईन वेश्या व्यवसाय करणाऱ्या महिलेवर अनैतिक मानवी वाहतुक प्रतिबंध कक्ष-भाईंदर यांनी कारवाई केली . दिनांक २२/११/२०२१ रोजी वपोनि. श्री पाटील यांना गुप्त बातमीदारामार्फत अशी बातमी मिळाली की, भाईंदर पूर्व परिसरात राहणारी महिला ही ऑनलाईन जाहिरातीद्वारे वेश्या व्यवसायासाठी मिरा-भाईन्दर परिसरातील लॉजमध्ये किंवा गिऱ्हाईकास लॉज मध्ये रुम बुक करावयास लावून किंवा त्यांच्या सोयीनुसार ७,०००/- रु वेश्यागमनाचा मोबदला घेवून गिऱ्हाईकास मुली पुरविते.
सदर बातमीच्या आधारे वरिष्ठ पोलीस निरीक्षक श्री. एस. एस. पाटील यांनी बोगस गिऱ्हाईक व पंच यांना मनमंदिरा स्वीट समोर, सिने मॅक्सचौक, कनकिया रोड, मिरारोड पूर्व या ठिकाणी पाठवुन सत्यता पडताळुन पोलीस पथकासह छापा टाकला असता महिला वेश्यादलाल हिने वेश्यागमनाच्या मोबदल्यात पैसे स्विकारुन पुरुष ग्राहाकांना मुली पुरवित असतांना मिळुन आल्याने वेश्यागमनाकरीता स्विकारलेल्या रक्कमेसह महिलेस ताब्यात घेवुन ०२ पिडित मुलींची सुटका करण्यात आली. सदर बाबत पोहवा. उमेश हरी पाटील यांनी दिलेल्या तक्रारीवरून महिला आरोपी व या व्यवसायात तीची साथ देणारा आरोपी रवि साहू रा. नायगाव यांच्या विरुध्द मिरारोड पोलीस ठाणे येथे गुन्हा दाखल करण्यात आला आहे.
सदरची कारवाई डॉ. श्री महेश पाटील, पोलीस उपआयुक्त (गुन्हे), श्रीमती पदमजा बडे, सहा. पोलीस आयुक्त, (गुन्हे) मि.भा.व.वि. पोलीस आयुक्तालय यांचे मार्गदर्शनाखाली वपोनि. श्री. संपतराव पाटील, पो.हवा./ उमेश पाटील, पोहवा/विजय निलंगे, पोशि/ केशव शिंदे, मपोशि/ सुप्रिया तिवले, मपोशि/सुनिता आवताडे- भरोसा सेल, चालक पोना/ गावडे अनैतिक मानवी वाहतुक प्रतिबंध कक्ष, भाईंदर यांनी केली आहे.
