नालासोपारा येथे परदेशी नागरिक अनधिकृत रित्या राहत असल्याची गोपनीय माहिती तुळीज पोलीस ठाण्याला मिळाली. त्यावरून वरिष्ठ पोलीस निरीक्षक राजेंद्र कांबळे यांनी त्यांच्या पोलीस पथकासह नालासोपारा येथील केडिएम अपार्टमेंटमध्ये कोंबींग ऑपरेशन केले असताना तेथे राहणारे परदेशी नागरिक नायझेरियन-१२, युगांडा-१, आयवारी कोस्ट चे १ असे १४ परदेशी नागरिक पासपोर्ट व व्हिजा नसतांना तसेच व्हिजाची मुदत संपलेली असतानाही भारत देशात अनधिकृत रीत्या वास्तव करत असताना मिळून आले.
या सर्व परदेशी नागरिकां विरुद्ध पोलीस ठाणे तुळींज येथे गु.र.नं ९६/२०२१ व ९७/२०२१ परकीय नागरी कायदा १९४६ कलम १४, व पारपत्र अधिनियम कलम १२ (क) प्रमाणे गुन्हा नोंद करून कारवाई करण्यात आली आहे. सदरची कामगिरी श्री. प्रशांत वाघुंडे, पोलीस उप आयुक्त परिमंडळ-३, श्री. अमोल मांडवे, सहाय्यक पोलीस आयुक्त, तुळीज विभाग, तुळींज पोलीस ठाण्याचे पोलीस निरीक्षक राजेंद्र कांबळे आणि पथक यांनी केली आहे.
